Les mots surlignés font l'objet d'une note
1et toutesfoys receues après celle qui est datée du jourdhuy quant
3à la playnte de monsieur de Serneyn de la messe et de la
4procession, en verité je nen ouys oncques parler moyns est chose
5ordonee par messieurs de notre compagnie et sil en est quelque tant
6peu cest au vibaly de St Marcelin de vous en respondre. Et
7si par fortune il nen est rien, il fault que je die que
8telles playntes et semblables de defiance venantz dalieurs et
9tendans a mesme fin, ne portent tesmognage de voloyr oublier
10le passé et rabilier le present ayns à chatoulier et movoyr
11ceulx qui se contienent. Quant à mon frère, je ne fays doubte
12quil obeira justement à ce que luy ordonés par votre letre.
13Concernant le capitaine Columbin, je treuve bon, monsieur, que
14gardiés celle que m’avoyt escript le capitaine Bernard et nen
15avoys faict mention sinon pour scavoyr où elle estoyt demerée.
16Jespère aller demeyn diner après ung coup avec Bone, ma
17Filie, à la charge de retourner souper en ceste ville, Dieu
18aydant, auquel je voys prier
19Monsieur, vous doner en santé heureuse et longue vie.
20De Grenoble ce IIIe doctobre 1572.
21Votre humble serviteur
22G Deportes
23La letre de madame de Gordes adressée
24au soliciteur de monsieur d’Ourche luy a
25esté baliée par mon home. Ce matin il a este depeché
26